#مانيش مسئول# بقلم الشاعر/ خالد عبد المعطى

مانيش مسئول
عن اللى هيجرا فى غيابك
مانيش مسئول..
..
و ما تسالنيش عن قلبى
لو مره قسى و سابك
و قال مشغول..
..
و لا تنده ولا تبعت
رسايل شوق مع صحابك
ولا تخلى عيونك دول..
..
يشاغلونى
و لا مره يحايلونى
وخد شمسك خارج كونى..
..
و خد ضيك بلاش
فى الليالى يمر
و لا يشاغل كده عيونى
..
و لا عشقى و غرامى يغر
قلبك اللى متعود
يعيش العمر من دونى..
..
و أن كان على عشق جوايا
متدارى و ليكى متخبى..
..
و ان كان ع السهم اللى
يوم رمتيه
و بكل قساوه جرح قلبى..
..
هقول معرفش مين
اللى رماه..
..
و كان قلبى ماشى فى حاله
و لا حتى واخد باله
مين اللى رمى سهمه
و سرق روحى كمان وياه..
..
و لو سالونى عن اسمه
هقول لا شوفتوا و لا عارفاه..
..
و امضى و كمان ابصم
على ده القول..
..
و اكيد اكيد هتتقيد
فاعل مجهول..
..
مانيش مسئو

ل
عن اللى هيجرا فى غيابك
مانيش مسؤل..
..
#خالدعبدالمعطى