#ده مش أنا # بقلم الشاعر / سيف النصر عثمان

انت فاكره ال كان ملاك
متشعلق قلب ف هواك
وكل همه ينول رضاك
ده مش انا
ولا فاكره ال كان سهاده
حيرته في نومته ورقاده
وكان مثالي اوي ف معاده
ده مش انا
كان شخص تاني كان بدل
كان شكله يقرف م الخجل
ال كان عفيف ف صحبته
  ال كان شريف ف سكته
حاجه بتجيب الملل
اللي قدامك دا البديل
واد شياكه آخر موديل
شعره جل وكوفره
حلاوته اجمل من مره
سيبك بئا م الاولاني
ده كان اناني
يحب نفسه مرتبه
ومنظمه ومهذبه
ومحنتفه وومسنتفه
دا واد عبيط
طيب لكن طيبه بهبل
عامل مثالي وذكريات
وعب حليم .. ست البنات
وحب عذري ومزيكات
دا واد فشوش
كل اللي فيه مينفعوش
حبه دايما كان قديم
قديم اوي مبحبهوش
  ولا بهضموش
برقع واقع في الغرام
  بيحب حبه بالجرام
بيحب طربوش
دا كان زمااااااااااااان
  دا مات خلاص
دلوأتي حب الانتكه والفزلكه
وشمبوهات وشعور كاريه
مسبسبه
ومنكوش لزومه السكسكه
خلبوص حياته مدربكه
واد بزرميط طظ وفشوش
حب مرسوم ع الوشوش
حب قلبه ممعهوش
حب رنه .. وكلتونين
حافظ لي شعر وكلمتين
حب وجباته سريعه وتيكاوي
دا ابقي انا
والواد اللي حبك كام سنه
صابوا الهلاك.. وف خبر كان
  واللي فاكراه كان ملاك
بقي شيطان
...
سيف عثمان